Mann mein bhatakte inn khayalon ne
Kuch Khaamosh chipe sawaalon ne
Kagaaz ke aise na jaane kitne pannon mein,
ghar kar liya tha...
Par ab haalaat badal gaye lekar aisi karvat
wo har ek panna jo tha unka ghar,
wahi ek din ban gaya unka marghat,
hum bejhijhak pannon mein unhe bharte gaye
ki inn pannon se hi unhone apna mann bhar liya tha..
duniya dekhne ki, duniya mein dikhaai dene ki
jagne lagi unke mann mein yeh khwahish
toh lekar ek duje ka sahara
karne lage banavti duniya (social media) mein beinteha numaaish
siyaahi ki jagah tasveeron se
prachar karne ka vichar tha
par yeh woh jagah thi jahaan sirf
chahat aur chaahnevaalon ki len den ka vyapaar tha
par ab bhi kayam irada hai inka, nikalneka is marghat se
umeed se daav lagaya hai, kalakaaron ke is jamghat pe
meri awaaz ko saaz bana ab sunte hain
apne saans ki har ek aahat
jo goonj banke aati hai,
jab bajti taaliyon ki gadgadahat
Ab khamoshi tanhaai aur gumnaami
se jab bhi paani hogi kuch der ki raahat
tab shaamil honge is mehfil mein
nazm se saje yeh khayaal
puri karne sunne aur sunaai dene ki apni yeh chaahat.
No comments:
Post a Comment